ਪੌਣਾਹਾਰੀ ਆਏ, ਦੁੱਧਾਧਾਰੀ ਆਏ,
ਕਲਾਧਾਰੀ ਆਏ, ਬ੍ਰਹਮਚਾਰੀ ਆਏ ll

ਜਾਗ ਰਤਨੋ ਨੀ, ਜੋਗੀ ਘਰ ਤੇਰੇ ਆਏ ਨੇ ll
*ਤੇਰੇ ਬੂਹੇ ਉੱਤੇ ਆ ਕੇ, ਅਲਖ ਜਗਾਏ ਨੇ ll,
ਜਾਗ ਰਤਨੋ,, ll ਨੀ, ਜੋਗੀ ਘਰ ਤੇਰੇ ਆਏ ਨੇ ll

ਸੋਹਣਾ ਜੇਹਾ ਰੂਪ ਜੋਗੀ, ਲੱਗੇ ਬਾਰਾਂ ਸਾਲ ਦਾ
ਵੇਖਿਆ ਨੀ ਜੱਗ ਉੱਤੇ, ਜੋਗੀ ਏਹਦੇ ਨਾਲ ਦਾ ll
*ਸਿਰ ਤੇ ਜਟਾਂਵਾਂ ਮੱਥੇ, ਤਿਲਕ ਸਜਾਏ ਨੇ ll,
ਜਾਗ ਰਤਨੋ,, ll ਜੋਗੀ ਘਰ ਤੇਰੇ ਆਏ ਨੇ ll

ਛੇਤੀ ਬੂਹਾ ਖੋਲ ਜੋਗੀ, ਜਾਵੇ ਕਿਤੇ ਮੁੜ ਨਾ
ਏਹੋ ਜੇਹਾ ਵੇਲਾ ਤੈਨੂੰ, ਫੇਰ ਨਹੀਓਂ ਜੁੜਨਾ ll
*ਤੇਰੇ ਨਾਲ ਮੇਲ ਸੱਚੇ, ਰੱਬ ਨੇ ਕਰਾਏ ਨੇ ll,
ਜਾਗ ਰਤਨੋ,, ll ਜੋਗੀ ਘਰ ਤੇਰੇ ਆਏ ਨੇ ll

ਵਾਜ਼ਾਂ ਤੈਨੂੰ ਮਾਰੇ ਜਾਗ, ਰਤਨੋ ਲੁਹਾਰੀਏ
ਰੱਬ ਖੜਾ ਬੂਹੇ ਤੈਨੂੰ, ਨੀਂਦਰ ਪਿਆਰੀ ਏ ll
*ਜੱਗ ਦੀਆਂ ਰੌਣਕਾਂ/ਖੁਸ਼ੀਆਂ ਨੂੰ, ਨਾਲ ਲਿਆਏ ਨੇ ll,
ਜਾਗ ਰਤਨੋ,, ll ਨੀ, ਜੋਗੀ ਘਰ ਤੇਰੇ ਆਏ ਨੇ ll

ਬਖਸ਼ੀ ਆਵਾਜ਼ ਓਹਦੇ, ਕੰਨਾਂ ਵਿੱਚ ਪਈ ਏ
ਅੱਖਾਂ ਵਾਲੀ ਨੀਂਦ ਓਹਦੀ, ਸਾਰੀ ਉੱਡ ਗਈ ਏ ll
*ਦੁੱਖ ਸਾਰੇ ਭੁੱਲੇ ਜਦੋਂ, ਦਰਸ਼ਨ ਪਾਏ ਨੇ ll,
ਜਾਗ ਰਤਨੋ,, ll ਜੋਗੀ ਘਰ ਤੇਰੇ ਆਏ ਨੇ ll

ਜੋਗੀ ਆ ਨੀ ਗਿਆ, ਫੇਰ ਪਾ ਨੀ ਗਿਆ ll,
ਸਭ ਸੰਗਤਾਂ ਦੇ ਭਾਗ, ਜਗਾ ਨੀ ਗਿਆ l
ਓ ਮਾਤਾ ਰਤਨੋ ਦੇ ਭਾਗ, ਜਗਾ ਨੀ ਗਿਆ ll

बाबा बालक नाथ भजन

Leave a Reply