*ਕਿਓਂ ਗੰਗੂ ਤੂੰ, ਮਾੜੀਆਂ ਚਾਲਾਂ ਘੜ੍ਹੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ ਹੱਥਕੜੀਆਂ ਵੇ ll
ਓਏ ਗੰਗੂ ਪਾਪੀਆਂ,,, ਵੇ ਹੱਤਿਆਰਿਆਂ,,, ll

*ਦੋ ਦਿਨ ਕੱਟਣ ਆਏ, ਤੇਰੇ ਦਵਾਰੇ ਵੇ ll
ਉੱਜੜੇ ਫਿਰਦੇ ਏਹ, ਕਿਸਮਤ ਦੇ ਮਾਰੇ ਵੇ ll
*ਕਾਹਨੂੰ ਏਹ ਜਿੰਦਾਂ, ਤੇਰੇ ਹੱਥ ਚੜ੍ਹੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ
ਹੱਥਕੜੀਆਂ ਵੇ ll
ਓਏ ਗੰਗੂ ਪਾਪੀਆਂ,,, ਵੇ ਹੱਤਿਆਰਿਆਂ,,, ll

*ਪਿੰਡ ਖੇੜੀ ਨੂੰ, ਐਸਾ ਦਾਗ਼ ਲਵਾਇਆ ਵੇ ll
ਸਭ ਤੋਂ ਵੱਡਾ, ਤੂੰ ਹੀ ਪਾਪ ਕਮਾਇਆ ਵੇ ll
*ਪੈਣਗੀਆਂ ਹੁਣ ਤੈਨੂੰ, ਫਿੱਟਕਾਂ ਬੜੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ ਹੱਥਕੜੀਆਂ ਵੇ ll
ਓਏ ਗੰਗੂ ਪਾਪੀਆਂ,,, ਵੇ ਹੱਤਿਆਰਿਆਂ,,, ll

*ਤੇਰੇ ਵਰਗਾ, ਜ਼ਾਲਮ ਬੰਦਾ ਕੋਈ ਨਾ ll
ਤੇਰੇ ਜੇਹੇ ਨੂੰ, ਨਰਕਾਂ ਵਿੱਚ ਵੀ ਢੋਈ ਨਾ ll
*ਤੇਰਾ ਸਿਰ ਨਾ ਫੂਕਣ, ਪਿੰਡ ਦੀਆਂ ਮੜ੍ਹੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ ਹੱਥਕੜੀਆਂ ਵੇ ll
ਓਏ ਗੰਗੂ ਪਾਪੀਆਂ,,, ਵੇ ਹੱਤਿਆਰਿਆਂ,,, ll

*ਇਸ ਚੰਦਰੇ ਪਾਪੀ ਦਾ, ਬੇੜਾ ਗ਼ਰਕ ਗਿਆ ll
ਜਿਹੜੀ ਗੱਲ ਦਾ ਡਰ ਸੀ, ਭਾਣਾ ਵਰਤ ਗਿਆ ll
*ਆ ਗਈਆਂ ਜੀਵਨ ਦੀਆਂ, ਮੁਸ਼ਕਿਲ ਘੜੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ ਹੱਥਕੜੀਆਂ ਵੇ ll
ਓਏ ਗੰਗੂ ਪਾਪੀਆਂ,,, ਵੇ ਹੱਤਿਆਰਿਆਂ,,, ll

*ਛੱਡੋ ਲੋਕੋ, ਇਸ ਪਾਪੀ ਨੂੰ ਰੋਣਾ ਕੀ ll
ਕੀ ਪਤਾ ਹੁਣ, ਮਾਂ ਗੁਜ਼ਰੀ ਦਾ ਹੋਣਾ ਕੀ ll
*ਹੁਣ ਨਹੀਂ ਮਿਲਣੀਆਂ, ਜੋੜੀਆਂ ਜੋ ਵਿੱਛੜੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ ਹੱਥਕੜੀਆਂ ਵੇ ll
*ਕਿਓਂ ਗੰਗੂ ਤੂੰ, ਮਾੜੀਆਂ ਚਾਲਾਂ ਘੜ੍ਹੀਆਂ ਵੇ ll,
ਕਿਓਂ ਲਵਾਈਆਂ, ਲਾਲਾਂ ਨੂੰ ਹੱਥਕੜੀਆਂ ਵੇ ll
ਓਏ ਗੰਗੂ ਪਾਪੀਆਂ,,, ਵੇ ਹੱਤਿਆਰਿਆਂ,,, ll

music video bhajan song

भजन